Поздравление главы Яльчикского района И.И.Васильевой и главы администрации Яльчикского района Н.П.Миллина С Днем Победы

Тăван çĕршывăн Аслă вăрçин хаклă ветеранĕсемпе тыл ĕçченĕсем!

Хисеплӗ ентешсем!

Сире чӗререн аслă уяв - Çĕнтерӳ кунĕ ячĕпе саламлатпăр!

Пире тăнăçлăх тата ирĕклĕх парнеленĕ паттăрсем пысӑк чыс-хисепе тивӗҫлӗ.

Елчĕк районĕн ывăл-хĕрĕсем те фашизма тĕп тăвассине пысăк тӳпе хывнă. Вĕсем Тăван çĕршывăн Аслă вăрçин фрончĕсенче тăшманпа харсăррăн тата паттăррăн кĕрешнĕ.

Тылри хĕрарăмсем, ватăсемпе ачасем ырми-канми ĕçленĕ. Елчĕк енĕн ĕçчен те ырă кăмăллă халăхĕ мĕн пуррине пĕтĕмпех Аслă Çĕнтерӳ валли панă.

Шел пулин те, ветерансен йышĕ çулсерен чакса пырать. Çавна май вĕсен тĕлĕшĕпе яланах тимлĕ пулма кирлине манса каяс марччĕ.

Тăван çĕршывăн Аслă вăрçине хутшăннӑ паттӑрсене тата районта пурăнакан мĕнпур çынна Çĕнтерỹ кунĕ ячĕпе саламласа çирĕп сывлăх, вăрăм кун-çул, телей, мирлĕ пурнӑҫ сунатпăр.

Елчӗк район пуҫлӑхӗ              И.И.Васильева.

Елчӗк район администрацийӗн пуҫлӑхӗ     Н.П.Миллин.