2015.09.19 Суйлавçăсене - пысăк тав

Кăçалхи сентябрĕн 13-мĕшĕнче районта пурăнакан суйлавçăсем тăван республикăн - Чăваш Енĕн пуласлăхĕ пирки сасăларĕç. Çавăн пекех вĕсем район, ял тăрăхĕсен Депутачĕсен пухăвĕсен депутачĕсене те суйласа илчĕç. Ял çыннисем суйлава активлă хутшăнса хăйсен гражданла тивĕçне туллин пурнăçларĕç. Пурте пĕрле халăхшăн, ĕçченсен, çамрăксен пуласлăхĕшĕн тăрăшакан Михаил Васильевич Игнатьева Чăваш Енĕн Пуçлăхĕ пулма, ял çыннисен вырăнти ыйтăвĕсене татса пама пулăшакан депутатсене тĕрĕс суйласа илни районăн малашнехи пурнăçне аталанма май панине пĕлни тата ăнланни савăнтарать, яваплăха туйма хистет. Эпир хамăр пуласлăхшăн тĕрĕс утăм турăмăр.

Сире, хисеплĕ суйлавçăсем, малашлăхшăн тăрăшнăшăн тав тăватпăр, çирĕп сывлăх, ăнăçу сунатпăр.

Р.МОЛОДОВА,
район пуçлăхĕ.

Н.МИЛЛИН,
район администрацийĕн пуçлăхĕ.