Поздравление с Днем печати

[Хисеплӗ журналистсем, пичет ӗҫченӗсемпе ветеранӗсем!

Сире чӗререн Раççей тата Чăваш пичечĕн кунĕ ячĕпе саламлатпăр!

Пресса кирек хăш вăхăтра та общество шухăшлавне йĕркелемелли чи пĕлтерĕшлĕ инструментсенчен пĕри шутланнă. Çавна май журналистсен яваплăхĕ тĕлĕнмелле пысăк. Вĕсен пурнăç таппинчен пĕр утăм та юлмасăр районта, республикӑра тата ҫӗршывра пулса иртекен пĕлтерĕшлĕ пулăмсем пирки вулакансене тулли те тĕрĕс информаципе вăхăтра тата васкавлăн пĕлтерсе тăма ĕлкĕрмелле.

Журналистсемпе вулакансем пĕр-пĕринпе тачă çыхăнура. Çапла пулни коллектива умри йывăрлăхсене çĕнтерме, палăртнă тĕллевсене ăнăçлăн пурнăçа кĕртме майсем туса парать.

Уяв ячӗпе саламласа сире çирĕп сывлăх, пултарулăх ĕçĕнче ăнăçу, ҫитӗнӳсем, телей сунатпăр.

Елчӗк район пуҫлӑхӗ       И.И.Васильева.

Елчӗк район администрацийĕн пуçлăхĕ        Н.П.Миллин.