Поздравление главы Яльчикского района Н.П.Миллина с Днем пожилых людей

Хисеплĕ ветерансем, тивĕçлĕ канăва тухнă ватăсем !

          Сире чĕререн Пĕтĕм тĕнчери Ваттисен кунĕ ячĕпе саламлатăп!       

          Çак кун эпир хисеплĕ ватăсене ырми-канми ĕçĕсемшĕн, ырă та пĕлтерĕшлĕ сĕнỹ-канашсемшĕн, район аталанăвне хывнă пысăк тỹпешĕн тав сăмахĕсем калатпăр.

          Эсир чăннипех те пысăк хисепе, тимлĕхе, тав сăмахĕсене тивĕçлĕ. Ачăрсем, мăнукăрсем лайăхрах пурăнччăр тесе эсир вăхăтĕнче сахал мар тăрăшнă. Вăрçă çулĕсенче фронтра çапăçнă, тылра ырми-канми вăй хунă, халăх хуçалăхне ура çине тăратас тесе пĕтĕм йывăрлăхсене çĕнтернĕ. Паян та эсир çамрăксене воспитани парас, район пурнăçĕнчи обществăлла ĕçе активлă хутшăнатăр. Сире паттăрлăхшăн, чăтăмлăхшăн, паянхи кунри активлăхшăн пысăк тав сăмахĕ калатăп.

            Уяв ячĕпе саламласа çирĕп сывлăх, вăрăм ĕмĕр, ăнăçу, килĕшỹ, тăнăçлăх, телей сунатăп.

Елчĕк район пуçлăхĕ              Н.П. Миллин.