Поздравление с Днем пожилых людей

Хисеплĕ ветерансем, аслă ăрури çынсем !

Сире чĕререн Пĕтĕм тĕнчери ватă çынсен кунĕ ячĕпе саламлатпăр!

Çак кун пуриншĕн те паллă уяв. Вăл ăшăлăхпа, юратупа тата аслă ăрури çынсене хисеплесе сума сунипе палăрса тăрать, ăрусем хушшинчи çыхăнăва çирĕплетет.

Ватă çынсене тимлĕх уйăрасси –кашнийĕн тивĕçĕ. Пирĕн яланах ватăсем хăйсене пĕччен ан туйччăр тесе тăрăшмалла, вĕсене ытларах тимлĕх тата ăшăлăх уйăрмалла.

Сирĕн пурнăç вăл – паттăрлăхпа кăмăл-сипет пуянлăхĕ. Йăла-йĕркене тытса пырассипе, ачăрсемпе мăнукăрсене шанчăклă тĕрев кÿрессипе эсир пуринчен те ытларах тăрăшатăр. Сирĕн пĕлĕвĕр тата пурнăçри пуян опытăр пире паян шанчăклăн утăмлама май параççĕ.
Уяв кунĕ йышăнса илсемĕр пиртен чун-чĕререн каланă тав самахĕсене, хисеплесе сума сунине.
Нумай çул пурăнма сире çирĕп сывлăх, иксĕлми телей, ăнăçу сунатпăр. Сирĕнпе юнашар яланах сире юратакан тата хисеплекен çыннăрсем пулччăр.

Елчĕк район пуçлăхĕ        И.И.Васильева.
Елчĕк район администрацийĕн пуçлăхĕ            Н.П.Миллин.