Поздравление главы администрации Яльчикского района Н.П.Миллина с Днем учителя

Хисеплĕ вĕрентекенсем, педагогика ĕçĕн ветеранĕсем!

Сире чĕререн професси уявĕпе - Учитель кунĕ ячĕпе саламлатăп.

   Эсир хăвăр пурнăçăра вĕрентĕве тата воспитани ĕçне халалланă. Сирĕн вĕренекенсен çитĕнĕвĕсем - район, çĕршыв çитĕнĕвĕ.

Ĕмĕр тăршшĕпе эпир хамăра пĕлỹ, воспитани панă вĕренекенсене ăшă кăмăлпа аса илетпĕр. Ачасене тивĕçлĕ воспитани, пысăк тавра-курăмпа çирĕп ăс-тăн пама халалланă вĕрентекенсене чĕререн тав сăмахĕ калатпăр.

Паян районти вĕрентекенсем обществăлла пурнăçа активлă хутшăнаççĕ, çамрăк ăрăва тарăн пĕлỹ парас ĕçре çĕнĕ вĕрентỹ программисене алла илеççĕ, çĕнĕ мелсемпе усă кураççĕ, наука проекчĕсене хутшăнса çитĕнỹсем тăваççĕ.

Çитĕнекен ăрăва вĕрентес, воспитани парас ĕçре педагог-ветерансен тỹпи те пысăк. Вĕрентỹ коллективĕсем сирĕн ĕç опычĕпе, ырă сĕнỹ-канăрсемпе куллен усă кураççĕ.

Уяв ячĕпе саламласа сире çирĕп сывлăх, тулли телей, ăнăçу, çитĕнỹсем, пултаруллă та мал ĕмĕтлĕ вĕренекенсем сунатăп.

               Елчĕк район администрацийĕн пуçлăхĕ                 Н.П.Миллин.